Хрестоматия по истории СССР. Том 1 - Тихомиров М. Н. (лучшие книги без регистрации txt) 📗

Да рек Петр, волоский воевода, про Казанское царьство: Есть ли хотети Казанского царства добывати, ино призвав бога на помощь, и себя ни в чем не пощадети, послати войско на Казань, возрастивши сердца воинником своим царьскими жалованием и ласкою и приветом добрым; а иныя воины удалыя послати на Улусы на казанския, да велети их жечи и людей сечи и пленити. Да бог помилует и помощь святую свою даст извоевати их да и крестити, то и крепко. А слышал есми про ту землю, про Казанское царство, у многих воинников, которые в царстве Казанском бывали, что про нея говорят, применяют ея к подрайской земле угодием великим. Да тому велми дивимся, что таковая землица не великая, велми угодная, у таковаго великаго силнаго царя под пазухою [124], а не в дружбе, а он ей долго терьпит и кручину от них великую приимает; хотя бы таковая землица угодная и в дружбе была, ино было ей не мочно терпети за такое угодие…

100. ЦАРСКИЙ ПРИГОВОР ОБ ИСПОМЕЩЕНИИ В МОСКОВСКОМ И ОКРУЖАЮЩИХ УЕЗДАХ ИЗБРАННОЙ ТЫСЯЧИ СЛУЖИЛЫХ ЛЮДЕЙ (1550 г.)

«Акты Археографической экспедиции», т. I, № 225.

Лета 7059, октября в 1 день, царь и великий князь Иван Васильевич всеа Руси приговорил с бояры: учинити в Московском уезде, да в половине Дмитрова, да в Рузе, да в Звенигороде, да в Числякех и в Ординцех и в Перевесных деревнях, и в Тетеревичех и в оброчных деревнях, от Москвы верст за шестьдесят и за семьдесят, помещиков, детей боярских, лутчих слуг, 1000 человек, а которым бояром и околничим быти готовым в посылки, а поместей и вотчин в Московском уезде у них не будет и бояром и околничим дати поместья в Московском уезде по 200 четвертей; а детем боярским в первой статье дати поместья по 200 ж четьи [125], а другой статье детем боярским дати поместья по 150 четьи, а третьей статье детем боярским поместья по 100 четьи; а сена им давати по толку ж копен, на колко кому дано четвертныя пашни, опричь крестьянского сена; а крестьяном дати сена на выть по тридцати копен; а которой по грехом из тое тысячи вымрет, а сын его к той службе же не пригодится, ино в того место прибрать иного. А за которыми бояры и за детями боярскими вотчины в Московском уезде или в ином городе, которые близко от Москвы, верст за пятьдесят или за шестьдесят, и тем поместья не дати…

(Затем следует именная роспись бояр и детей боярских, которым назначаются поместья. В заключение сказано:

А всех детей боярских во всех статьях, Московския земли и Новогородских, и Торопецких, и Луцких и Ржевских, дворовых и городовых, 1050 человек, а земли им дати 112 600 четьи, опричь бояр; а бояр и околничих и с казначеи 28, а земли им дати 5600 четьи. И всех бояр и околничих и детей боярских 1078 человек; а земли им дати 118 200 четьи.

101. СУДЕБНИК ЦАРЯ ИВАНА ВАСИЛЬЕВИЧА (1550 г.)

Владимирский-Буданов, «Хрестоматия по истории русского права», г. II.

Лета 7058 месяца июня в… день царь и великий князь Иван Васильевич всеа Руссии с своею братьею и бояры сесь судебник уложил: как судити бояром и окольничим, и дворецким, и казнечеем, и дияком, и всяким приказным людем, и по городом наместником, и по волостем волостелем, и их тиуном и всяким судиям.

1) Суд царя и великаго князя судити бояром и окольничим, и дворецким, и казначеем, и дияком; а судом не дружити и не мстити никому, и посула в суде не имати; також и всякому судье не имати.

3) А который боярин, или околничей, или дворецкой, или казначей, или дияк в суде посул возмет и обвинит кого не по суду, а обыщется то в правду: и на том боярине, или на околничем, или» на дворецком, или на казначее, или на дияке взяти исцев иск, а пошлины на царя и великого князя, и езд, и правда, и пересуд, и хоженое, и правой десяток, и пожелезное взяти втрое, а в пене, что государь укажет.

26) А безчестие детем боярским, за которыми кормления, указывати противу доходу, что на том кормленье доходу по книгам; а женам их безчестия вдвое против того доходу. А которые дети боярские емлют денежное жалование, а сколько которой жалования имал, то ему и безчестие; а жене его вдвое против его жалования. А дьякам полатным и дворцовым безчестия, что царь и великий князь укажет; а женам их вдвое против их безчестия. А гостям большим безчестия пятьдест рублев, а женам их вдвое против их безчестия. А торговым людем и посадским людем, всем середним, безчестия пять рублев, а женам их безчестия против их безчестия вдвое. А боярскому человеку доброму безчестия пять Рублев, опричь тиунов доводчиков, а жене его вдвое. А тиуну боярскому, или доводчику и праветчику, безчестие против его доходу, а женам их вдвое. А крестьянину пашенному и непашенному безчестия рубль, а жене его безчестия два рубля. А боярскому человеку молодчему или черному городскому человеку молодчему безчестия рубль же, а женам их безчестия вдвое. А за увечие указывати крестьянину посмотря по увечию и по безчестию; и всем указывати за увечие, посмотря по человеку и по увечью.

32) А неделщику на судей, на бояр, и на околничих, и на дворецких, и на казначеев, и на дияков посулов не просити, и самому неделщику посулов не имати. А которой неделщик… посул возмет, и уличат его в том: и того неделщика казнити торгового казнию, а посулы на нем доправити втрое, да из недель выкинута.

53) А пошлют которого неделщика имати татей и разбойников, и ему имати татей и разбойников безхитростно а не норо-вити ему никому; а изымав ему татя или разбойника не отпустити, ни посулов не взяти; а опричных ему людей не имати. А поноровит которой неделщик татю или разбойнику по посулам, а его отпустит, и уличат его в том; ино на том неделщике истцов иск доправити, а его казнити торгового казнию да вкинути в тюрму, а в казни, что государь укажет.

62) А бояром и детем боярским судити, за которыми кормления с судом с боярским, а на суде у них и у их тиунов быти, где дворской, дворскому, да старосте и лучшим людем, целовалником. А судные дела у наместников и у их тиунов писати земским дияком; а дворскому да старосте и целовалником к тем судным делом руки свои прикладывати. А противни с тех судных дел слово в слово, писати наместничим дьяком; а наместником к тем противнем печати свои прикладывати… А без старосты и без целовалников суда не судити, и посулов наместником, и их тиуном и их людям не имати: а на государя своего тиуну и пошли-нику никому посулов от суда не просити…

68) А которому наместнику дан в кормление город с волостьми, или ему даны в кормление волости, а в которых волостех наперед сего старост и целовалников не было, и ныне в тех во всех волостех быти старостам и целовалником…

70) А кого наместничи или волостелины люди учнут давати от кого на поруку до суда и после суда, и по ком поруки не будет. — и наместничим и волостелиным людем тех людей являти в городе прикащиком городовым, да дворскому и старосте и целовалником; а в волости являти старосте и целовалником;… а не явя тех людей… к собе не сводити и у собя их не ковати. А кого наместничи или волостелины люди не явя… к собе сведут да у собя его скуют, и ко тем людем и род и племя придут… о том бити челом и являти; и прикащиком да дворскому и старосте и целовалником у наместничих или волостелиных тех людей выймати, и кого у волостелиных людей выймут скована, а им не явлено, ино на наместниче или на волостелине человеке, взяти того человека безчестие, посмотря по человеку; а чего тот на наместниче или на волостелине человеке взыщет, и тот иск взяти на нем вдвое.

80) А холопа рать полонит, а выбежит из полону, и он свободен, а старому государю не холоп; а похочет тот холоп к своему к старому государю, и того холопа явити бояром, а дияку подпи-сати на старой крепости, а пошлины имати с головы по алтыну. А которой холоп побежит с государем своим, или один побежит без государя своего, а не рать полонит, и выедет тот холоп из которыя земли опять к Москве: и он старому государю холоп по старому холопьству, опричь того, нечто кому государь пожалует даст волную грамоту.